သက်ဆိုင်သူအားလုံး လက်ခံနိုင်သည့် အခြေခံဥပဒေ ရေးဆွဲပြဋ္ဌာန်းရန် ပူးတွဲထုတ်ပြန်

မူရင်းသတင်း (Mizzima)

ရင်းမြစ်

၂၀၀၈ ဖွဲ့စည်းပုံအခြေခံဥပဒေကို အပြီးတိုင်ဖျက်သိမ်းရန်နှင့် သက်ဆိုင်သူအားလုံး လက်ခံနိုင်သော ဖက်ဒရယ်နှင့် ဒီမိုကရေစီစနစ်ကို အခြေခံသည့် ဖွဲ့စည်းပုံအခြေခံဥပဒေ ရေးဆွဲပြဋ္ဌာန်းရန် အပါအဝင် နိုင်ငံရေးဦးတည်ချက် ခြောက်ချက်နှင့် အခြားအချက်များပါဝင်သည့် ကြေညာချက်ကို အမျိုးသားညီညွတ်ရေးအစိုးရ( NUG )၊ အမျိုးသားညီညွတ်ရေး အတိုင်ပင်ခံကောင်စီ (NUCC)၊ အမျိုးသားဒီမိုကရေစီအဖွဲ့ချုပ် (NLD)၊ ချင်းညီနောင်အဖွဲ့ (CB) နှင့် ပြည်ထောင်စုလွှတ်တော် ကိုယ်စားပြုကော်မတီ (CRPH)တို့က ယမန်နေ့(ဖေဖော်ဝါရီ ၃ ရက်) ရက်စွဲဖြင့် ပူးတွဲထုတ်ပြန်သည်။

ပူးတွဲထုတ်ပြန်ကြေညာချက်တွင် အချက် ၁၀ ချက်ပါဝင်ပြီး အမှတ်စဉ်(၅)အချက်တွင် နိုင်ငံရေး ဦးတည်ချက် ခြောက်ချက်အဖြစ် စစ်အာဏာသိမ်းမှုကို ဖယ်ရှားပြီး အနာဂတ်တွင် စစ်တပ်၏ နိုင်ငံရေး၌ပါဝင်နေခြင်းကို အဆုံးသတ်ရန်၊ လက်နက်ကိုင်တပ်ဖွဲ့များအားလုံး ဒီမိုကရေစီနည်းကျ ရွေးကောက်တင်မြှောက်ထားသည့် အရပ်သားအစိုးရစီမံမှုအောက်၌ အပြည့်အဝ ထားရှိရန်၊ ၂၀၀၈ အခြေခံဥပဒေကို အပြီးတိုင် ဖျက်သိမ်းရန်၊ သက်ဆိုင်သူအစုအဖွဲ့အားလုံး လက်ခံနိုင်သော ဖက်ဒရယ်နှင့် ဒီမိုကရေစီစနစ်ကို အခြေခံသည့် ဖွဲ့စည်းပုံ အခြေခံဥပဒေရေးဆွဲ ပြဋ္ဌာန်းရန်၊ ထွက်ပေါ်လာသည့် အခြေခံဥပဒေနှင့်အညီ ဖက်ဒရယ်ဒီမိုကရေစီပြည်ထောင်စုသစ်ကို တည်ဆောက်ရန် နှင့် ပဋိပက္ခအတွင်း မတရားကျူးလွန်ခံရသူများအတွက် တရားမျှတမှုရရှိရေးဖော်ဆောင်ရန် အချက်များကို ချမှတ်ထားသည်။

၂၀၂၅ မှာ ရွေးကောက်ပွဲ ကျင်းပလိမ့်မယ်လို့ နိုင်ငံရေးပါတီတွေ မျှော်လင့်နေ

မူရင်းသတင်း (RFA)

ရင်းမြစ်

စစ်ကောင်စီက သက်တမ်းခြောက်လ ထပ်တိုးလိုက်တဲ့အတွက် ဒီနှစ်ထဲမှာ ရွေးကောက်ပွဲကျင်းပမဲ့ အလားအလာနည်းသွားပြီလို့ နိုင်ငံရေးလေ့လာသူတွေက သုံးသပ်ကြပါတယ်။ ဒါပေမဲ့ မှတ်ပုံတင်ထားတဲ့ နိုင်ငံရေးပါတီခေါင်းဆောင်တွေကတော့ စစ်ကောင်စီက ရွေးကောက်ပွဲ ကျင်းပပေးလိမ့်မယ်လို့ ယုံကြည်မျှော်လင့်နေကြပါတယ်။ စစ်ဗိုလ်ချုပ်ဟောင်းတွေနဲ့ ဖွဲ့စည်းထားတဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီကလည်း အခု ၂၀၂၅ ခုနှစ် အတွင်းမှာပဲ ရွေးကောက်ပွဲဖြစ်လာမယ်ဆိုတာ ယုံကြည်တယ်လို့ ပါတီပြောခွင့်ရ ဦးလှသိန်းက RFA ကို ပြောပါတယ်။

“အဲဒီကျင်းပတဲ့အချိန်မှာဖြစ်နေတဲ့ တိုင်းပြည်ရဲ့ Situation (အခြေအနေ) နဲ့ မူတည်ပါတယ်။ အဲဒီ အချိန်မှာ တော်တော်များများဟာ အားလုံးအဆင်ပြေနေမယ်ဆိုရင်တော့ သိပ်မကြာဘူးပေါ့နော်။ အိန္ဒိယလည်း ဒီအတိုင်းပါပဲ။ သူတို့လည်း အပိုင်းလိုက် ကျင်းပတာပါပဲ။ တချို့နိုင်ငံတွေလည်း ဘာလို့လဲဆိုတော့ ပြည်နယ်ကျယ်ပြန့်တဲ့ အခါမျိုးကျရင် အနေအထားပေါ်မူတည်ပြီး ကျင်းပရတဲ့ဟာမျိုး ရှိပါတယ်”

ချင်းပြည်အတွင်း ရွေးကောက်ပွဲကို စစ်ကောင်စီက လုပ်နိုင်မှာ မဟုတ်သလို၊ လုပ်ခွင့်လည်း ပေးမှာမဟုတ်ဘူးလို့ Chinland Council ပြော

မူရင်းသတင်း (Chin World)

ရင်းမြစ်

စစ်ကောင်စီက ကျင်းပဖိုပြင်ဆင်နေတဲ့ ရွေးကောက်ပွဲကို ချင်းပြည်နယ်အတွင်းမှာတော့ လုပ်နိုင်မှာမဟုတ်ဘူး၊ လုပ်ခွင့်လည်း ပေးမှာ မဟုတ်တဲ့အကြောင်း ဒီကနေ့ ဖေဖော်ဝါရီလ ၆ ရက်နေ့မှာ ကျင်းပတဲ့ ချင်းပြည်(Chinland) ကောင်စီ တစ်နှစ်ပြည့် သတင်းစာရှင်းလင်းပွဲမှာ Chinland Council အတွင်းရေးမှူး (၁) လည်းဖြစ် ချင်းအမျိုးသားတပ်ဦး (CNF/CNA) ပြောရေးဆိုခွင့်ရှိသူ ဆလိုင်းထက်နီကပြောပါတယ်။

ချင်းပြည်ကောင်စီ (Chinland Council ) ပေါ်ပေါက်ရေးအတွက် ၂၀၂၃ ဒီဇင်ဘာလ ၄ ရက်ကနေ ၇ ရက်နေ့အထိ ချင်းပြည်နယ်စပ် Victoria Base မှာကျင်းပခဲ့ပြီး ပြည်တွင်း၊ ပြည်ပဧည့်သည်များ၊ ချင်းအမျိုးသားတပ်ဦး(CNF) ကိုယ်စားလှယ်များ၊ ချင်းလွှတ်တော်ကိုယ်စားလှယ်များ၊ မြိုနယ်နဲ့ဒေသအစုအဖွဲကကိုယ်စားလှယ်များ စုစုပေါင်း ၂၃၅ ဦးတက်ရောက်ခဲ့ကာ Chinland Council ဖွဲစည်းပြီး ေကြာင်းညီလာခံအပြီးမှာ ထုတ်ပြန်ခဲ့ပါတယ်။

မန္တလေးတွင် ဇန်နဝါရီလ အတွင်း လူငယ်၂၅၀ နီးပါးကို စစ်ကောင်စီဖမ်းဆီး ၊ အမျိုးသမီး ၆ ဦးပါဝင်

မူရင်းသတင်း

ရင်းမြစ်

မန္တလေးမြို့တွင် ယခု ၂၀၂၅ ခုနှစ် ဇန်နဝါရီလအတွင်း လူပေါင်း ၂၃၇ ဦးကို စစ်ကောင်စီက ဖမ်းဆီးထားပြီး ထိုအထဲတွင် အမျိုးသမီး ခြောက်ဦးပါဝင်ကြောင်း မန္တလေးသပိတ်အင်အားစု တာဝန်ရှိသူတဦးက ဆိုသည်။ ဖမ်းဆီးခံရသူများမှာ အသက် ၂၀ မှ ၃၀ ကျော်ဝန်းကျင််ရှိ လူငယ်နှင့် လူလတ်ပိုင်းများဖြစ်ပြီး မဟာအောင်မြေမြို့နယ်သည် လူဦးရေ ၄၆ ဦးဖြင့် အများဆုံးဖမ်းဆီးခံရသည့်မြို့နယ်ဖြစ်ကြောင်း သိရသည်။

၂၀၂၅ ခုနှစ် နှစ်စပိုင်းမှစ၍ မန္တလေးမြို့တွင် စစ်ကောင်စီတပ်က ဖမ်းဆီးမှုများကို ယခင်ကထက် ပိုမိုပြုလုပ်လာပြီး အကြောင်းအမျိုးမျိုးပြကာ ဖမ်းဆီးခံရသူများလည်း ရှိလာကြောင်း သိရသည်။ စစ်ကောင်စီ၏ ယာဥ်ထိန်းရဲ၊ စစ်သားနှင့် ရဲများသည် လမ်းတိုင်းတွင် စစ်ဆေးရေးဂိတ်ဖွင့်ကာ နေ့စဥ်စစ်ဆေးနေပြီး ယာဥ်လိုင်စင်အပြင် ဖုန်းနှင့် VPN ကိုပါစစ်ကြောင်း မန္တလေးသပိတ်အင်အားစု တာဝန်ရှိသူကဆိုသည်။စ်ဆေးရေးဂိတ်မှ စစ်ကောင်စီလက်အောက်ခံများက မသင်္ကာသူများကိုလည်း စစ်ဆေးမေးမြန်းမှုမရှိ ဖမ်းဆီးနေကြောင်းလည်း ၎င်းက ပြောသည်။

ဆိပ်ဖြူတွင် ကြက်သွန်စိုက်ချိန် စစ်ကြောင်းထိုးနေ၍ ဒေသခံများစိုက်ပျိုးရေးမလုပ်ရဘဲ တိမ်းရှောင်နေရ

မူရင်းသတင်း (Mizzima)

ရင်းမြစ်

မကွေးတိုင်း၊ ဆိပ်ဖြူမြို့နယ်မြောက်ခြမ်းရှိ ကာကွယ်ရေးပစ္စည်းစက်ရုံ (ကပစ-၂၂) ကို စစ်ကူ ရောက်လာသည့် စစ်ကောင်စီတပ်ဖွဲ့က နေ့စဉ်ရက်ဆက် စစ်ကြောင်းထိုးနေသည့်အတွက် ဒေသခံများမှာ ကြက်သွန်စိုက်ပျိုးသည့်ရာသီချိန်တွင် စိုက်ပျိုးရေးမလုပ်ရဘဲ ဘေးလွတ်ရာသို့တိမ်းရှောင်နေရကြောင်း တော်လှန်ရေးတပ်ဖွဲ့များထံမှ သိရသည်။

အဆိုပါ စစ်ကောင်စီစစ်ကြောင်းသည် ဇန်နဝါရီလ ၃၀ ရက်မှစ၍နေ့စဉ် ရွာစဉ်လှည့်စစ်ကြောင်းထိုးနေ ခြင်းဖြစ်ကြောင်း Black Hawk Saitphyu အဖွဲ့တာဝန်ခံက ပြောသည်။

“အခုချိန်က ကြက်သွန်စိုက်တဲ့ရာသီ၊ စိုက်ခင်းတွေကို နေ့တိုင်းရေသွင်းရတာရှိတယ်၊ မြေဩဇာထည့်ရ တာရှိတယ်။ အဲဒါတွေ မလုပ်နိုင်တဲ့အခါကျတော့ အခင်းတွေပျက်စီးဆုံးရှုံးမှုတွေရှိတော့ စီးပွားရေးအရထိ ခိုက်တာပေါ့။ နောက်တခုက ဆောင်းရာသီကာလမျိုးပြေးရတော့ သက်ကြီးရွယ်အိုတွေမှာ ကျန်းမာရေး ပြဿနာတွေရှိတယ်” ဟု ၎င်းကပြောသည်။

ယင်းကဲ့သို့ နေ့စဉ်ရက်ဆက် ကျေးရွာများကိုစစ်ကြောင်းထိုးမီးရှို့ခြင်း၊ ဒေသခံများ၏ ပစ္စည်းများကို အဓမ္မ ယူဆောင်ဖျက်ဆီးခြင်းများပြုလုပ်နေသည့်အတွက် ရွှေဘို့ကျွန်းကျေးရွာအနီးတ၀ိုက်ရှိ ကျောက်ကြီး၊ ညောင်ဂွေးဝ၊ ရှားတော၊ တပ်မ၊ ဝဲမ၊ နှုံးပုံ၊ ကူရှည်(အလယ်စု)ကျေးရွာများအပါအဝင် ကျေးရွာ ၁၃ ရွာမှ ဒေသခံ ၁၀,၀၀၀ ကျော် ဘေးလွတ်ရာသို့ တိမ်းရှောင်နေရကြောင်း Black Hawk Sait Phyu အဖွဲ့ထံမှ သိရသည်။