သတင်း (၁)

စစ်ကိုင်းက စက်သုံးဆီသိုလှောင်ခြံ ၁ ခုကို စစ်ကောင်စီဝင်ဖမ်းပြီး ဂါလံ ၆ သောင်းကျော်သိမ်း 

သတင်းဌာန – မြေလတ်အသံ

မူရင်းသတင်းဖတ်ရန် 

သတင်းအနှစ်ချုပ်

တော်လှန်ရေးအင်အားစုတွေထိန်းချုပ်ရာ သယံဇာတလုပ်ကွက်တွေဆီ တင်ပို့ရောင်းချနေတဲ့ စစ်ကိုင်းမြို့နယ်က ဆီသိုလှောင်ခြံ ၁ ခုကို ဝင်ဖမ်းရာ ဆီဂါလံ ၆ သောင်းကျော်၊ လူ ၁၇ ဦးနဲ့ မော်တော်ယာဉ် ၂၂ စီး ဖမ်းမိခဲ့တယ်လို့ စစ်ကောင်စီက ထုတ်ပြန်ပါတယ်။

အဲဒီစက်သုံးဆီတွေဟာ TNLA/PDF ထိန်းချုပ်ရာ သပိတ်ကျင်းရွှေလုပ်ကွက်၊ မိုးကုတ်ကျောက်တွင်း၊ PDF ထိန်းချုပ်ရာ ကောလင်းရွှေလုပ်ကွက်၊ KIA ထိန်းချုပ်ရာ ဖားကန့်ကျောက်စိမ်းလုပ်ကွက်နဲ့ တနိုင်းဒေသက ရွှေနဲ့ ပယင်းမှော်လုပ်ကွက်တွေဆီ ပို့ဖို့ဖြစ်တယ်လို့ စစ်ကောင်စီရဲ့ ဒီနေ့ထုတ်ပြန်ချက်မှာ ပါရှိပါတယ်။

သတင်း (၂) 

We are Myanmar စိတ်ထားပြီး လ၊က်နက်ကိုင်ပဋိပက္ခကို ထိန်းထိန်းသိမ်းသိမ်းလုပ်ကြဖို့ စစ်ခေါင်းဆောင်ပြော

သတင်းဌာန – The Mindat Post 

မူရင်းသတင်းဖတ်ရန်

သတင်းအနှစ်ချုပ် 

လက်နက်ကိုင်ပဋိပက္ခနဲ့ သဘောထားကွဲလွဲမှုတွေကို ဥပဒေနဲ့အညီ ထိန်းထိန်းသိမ်းသိမ်း ဆောင်ရွက်ကြဖို့လည်း သူက ပြောထားပါတယ်။

၂၀၁၅ အောက်တိုဘာ ၁၅ ရက်နေ့ တနိုင်ငံလုံးပ၊စ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးတဲ့ EAO တချို့ဟာ NCA ပါ ကတိကဝတ်တွေကိုလိုက်နာမှုမရှိဘဲ ချိုးဖောက်နေကြတယ်လို့ စစ်ခေါင်းဆောင်ရဲ့ ဒီနေ့ သဝဏ်လွှာမှာ ဖော်ပြပါတယ်။

သတင်း (၃) 

တိုင်းရင်းသားလက်နက်ကိုင်တပ်နဲ့ PDF တွေ ၁၄၄ မြို့နယ်ကို စိုးမိုးထားကြောင်း NUG ထုတ်ပြန်

သတင်းဌာန -Myanmar Pressphoto Agency

မူရင်းသတင်းဖတ်ရန်

သတင်းအနှစ်ချုပ်

၂၀၂၄ခု၊ ဒီဇင်ဘာအထိ ပြည်သူ့ကာကွယ်ရေးတပ်မတော် (PDF)နှင့် တိုင်းရင်းသားတော်လှန်ရေးအဖွဲ့များက စိုးမိုးအုပ်ချုပ်လျက်ရှိသည့် မြို့နယ်ပေါင်း ၁၁၄ မြို့နယ်ရှိပြီး ၎င်းတို့အနက် မြို့ ၉၅မြို့ (မြို့နယ်အားဖြင့် ၄၈ မြို့နယ်) ကို အပြီးသတ်သိမ်းပိုက်ထားကြောင်း၊ မြို့နယ် ၇၉မြို့နယ်တွင် တော်လှန်စစ်ဖြစ်ပွားနေပြီး စစ်ကောင်စီက စိုးမိုးအုပ်ချုပ်နိုင်သည့်မြို့နယ် ၁၀၇ မြို့နယ်သာ ကျန်ရှိတော့‌ကြောင်း အစီအရင်ခံစာ၌ ပါရှိ‌သည်။

သတင်း (၄) 

Unlawful Conscription Watch 

သတင်းဌာန – NUG Myanmar 

မူရင်းသတင်းဖတ်ရန် 

သတင်းအနှစ်ချုပ်

လူ့အခွင့်အရေးဆိုင်ရာဝန်ကြီးဌာနကို ပေးပို့တိုင်ကြားလာတဲ့အချက်တွေနဲ့ စနစ်တကျ ကောက်ယူ စုဆောင်းထားတဲ့အချက်တွေကို အခြေခံပြီး ကိန်းဂဏန်းတွေကို သုတေသနလုပ်ပြီး ဖော်ပြထားပါတယ်။

ဒီ Dashboard မှာ အဓမ္မစစ်မှုထမ်းဥပဒေကိုအကြောင်းပြပြီး အကြမ်းဖက်စစ်အုပ်စုက ကျူးလွန်နေတဲ့ လူ့အခွင့်အရေးချိုးဖောက်ခံရမှုဖြစ်စဉ်တွေကို လအလိုက်၊ တိုင်းနဲ့ပြည်နယ်အလိုက်တွေ့နိုင်ပါမယ်။ အဓမ္မစစ်မှုထမ်းဥပဒေကြောင့် လူ့အခွင့်အရေးချိုးဖောက်ခံရတဲ့ အသက်အရွယ်အပိုင်းအခြားအလိုက် ဖော်ပြထားမှုနဲ့ တခြားအချက်အလက်တွေလည်း ပါဝင်ပါတယ်။

သတင်း (၅) 

ဒေါ်အောင်ဆန်းစုကြည်၏ အမှု ၂ မှု ပြစ်ဒဏ်လျော့ပေါ့ ၊ ၁ မှု လျှင် ၁လခွဲဝန်းကျင်သာ ပြစ်ဒဏ်လျော့ပေါ့မှုရ

သတင်းဌာန – Mizzima News in Burmese 

မူရင်းသတင်းဖတ်ရန် 

သတင်းအနှစ်ချုပ် 

ဒေါ်အောင်ဆန်းစုကြည် စွပ်စွဲခံခဲ့ရသည့် အမှုပေါင်း ၁၉ မှုရှိပြီး ထိုအထဲတွင် ၁၂ မှုသည် အဂတိမှုများဖြစ်ပြီး နှစ်မှုမှာ သဘာဝဘေးပုဒ်မဖြင့် စွပ်စွဲခံရသည့် အမှုများဖြစ်သည်။

ကျန် ငါးမှုတွင်လည်း သုံးမှုသည် ပြစ်ဒဏ်ပြည့်ပြီးသွားပြီဖြစ်သည့်အတွက် နိုင်ငံတော်လျှို့ဝှက်ဥပဒေပုဒ်မ ၃(၁)(ဂ)နှင့် ရွေးကောက်ပွဲနှင့် ပတ်သက်ပြီး စွဲဆိုသည့် ပုဒ်မ ၁၃၀ (က)တို့သာ အကျုံးဝင်မည်ဖြစ်သည်။

စစ်ကောင်စီ ထိန်းချုပ်ထားသည့် တရားရုံးက ပုဒ်မ ၃(၁)(ဂ) အမှုကို ပြီးခဲ့သည့် ၂၀၂၂ ခုနှစ် စက်တင်ဘာလနှောင်းပိုင်းတွင် ထောင်ဒဏ် သုံးနှစ် ချမှတ်ခဲ့ပြီး ပုဒ်မ ၁၃၀ (က) အမှုကို ၂၀၂၂ ခုနှစ် စက်တင်ဘာလအစောပိုင်းတွင် အလုပ်နှင့် ထောင်ဒဏ် သုံးနှစ် ချမှတ်ခဲ့သည့်အတွက် လက်ရှိတွင် အဆိုပါ အမှုနှစ်မှုစလုံးမှာလည်း ပြစ်ဒဏ် တနှစ်အောက်သာ ကျန်ရှိတော့သည်။