Project Summary

အညာလေ့လာရေး အညာလေ့လာရေးစီမံကိန်းသည် အညာလူထု၏ သမိုင်းနှင့် လူမှုယဉ်ကျေးမှုဆိုင်ရာ နက်နဲသိမ်မွေ့သည့် နားလည်မှုများ တည်ဆောက်ရန်၊ ပညာရပ်ဆိုင်ရာ ဖွံ့ဖြိုးတိုးတက်မှုကို မြှင့်တင်ရန်နှင့် သုတေသနအသစ်များ ဖော်ထုတ်ရန် ရည်ရွယ်သည့် ရေရှည်သုတေသနစီမံကိန်းတစ်ခုဖြစ်သည်။ ဤစီမံကိန်းတွင် ဘာသာရပ်စုံချဉ်းကပ်နည်းကို အသုံးပြု၍ သုတေသနကဏ္ဍသုံးခုဖြင့် လေ့လာမှုများ ဆောင်ရွက်သည်။ မနုဿဗေဒကဏ္ဍ၊ သမိုင်းကဏ္ဍ နှင့် နိုင်ငံရေးကဏ္ဍတို့ဖြစ်ပါသည်။

1. မနုဿဗေဒကဏ္ဍ အညာလူထု၏ ယဉ်ကျေးမှုအလေ့အထများ၊ လူမှုဖွဲ့စည်းပုံများ၊ ထုံးတမ်းစဉ်လာများနှင့် အသိပညာထုတ်လုပ်သော နည်းလမ်းများကို ဝေဖန်ပိုင်းခြားလေ့လာသည်။ ယဉ်ကျေးမှုအမှတ်လက္ခဏာနှင့် လူ့အဖွဲ့အစည်း စည်းလုံးညီညွတ်မှုကို ပုံဖော်သည့် နေ့စဉ်လှုပ်ရှားမှုများ၊ ယုံကြည်မှုစနစ်များကို နက်နက်ရှိုင်းရှိုင်း သုံးသပ်ရန်ဖြစ်ပါသည်။
2. သမိုင်းကဏ္ဍ အညာလူထု၏ မူလဇစ်မြစ်၊ ပြောင်းရွှေ့နေထိုင်မှုပုံစံများ၊ ကိုလိုနီခေတ်နှင့် ကိုလိုနီခေတ်နောက်ပိုင်း လွှမ်းမိုးမှုများအပါအဝင် လူမှုနိုင်ငံရေးအသွင်ကူးပြောင်းမှုများကို သမိုင်းမှတ်တမ်းများ၊ အကိုးအကားများနှင့်အညီ စနစ်တကျ လေ့လာသုံးသပ်ရန် ဖြစ်ပါသည်။
3. နိုင်ငံရေးကဏ္ဍ အညာလူထု၏ နိုင်ငံရေးယန္တရားများ၊ အုပ်ချုပ်ရေးစနစ်များ၊ စုပေါင်းစွမ်းဆောင်နိုင်စွမ်းနှင့် ဒေသတွင်း/အမျိုးသားအဆင့် နိုင်ငံရေးလှုပ်ရှားမှုများအတွင်း ၎င်းတို့၏ ပါဝင်ကိုယ်စားပြုမှုများကို လေ့လာသည်။

Photo: Mai A Naing‘s Facebook